Нарын педагогикалык колледжинин кыргыз тили жана адабияты мугалими М.Абдракунова 23-сентябрь КРнын «Мамлекеттик тил жөнүндө» Мыйзамынын кабыл алынганынын 34 жылдыгына карата «Манас» эпосу — эне тилибиздин алтын казынасы» аттуу интеллектуалдык таймаш өткөздү.
Таймашка «Улуу көч» жана «Каныкей» командалары катышып, «Манас» эпосунан үзүндү аткарып, көөнө сөздөрдү чечмелеп, Манас айтып, кыргыз тилинин тагдыры — «Манас» эпосунун тагдыры менен тамырлаш экенин чагылдырып беришти.
Соңунда калыстар тобунун чечими менен «Каныкей» тайпасы жеңишке жетип, грамота жана сыйлыктар менен сыйланышты.
