Нарын педагогикалык колледжинде «Автоматоматташтырылган системаларды жана эсептөө техникаларын программалык камсыздоо» адистиги боюнча эксперименталдык билим берүү программасы иштелип чыкты.
Аталган программа социалдык-инсандык жана кесиптик компетенцияларын калыптандырууга багытталып түзүлдү.
Азия өнүктүрүү банкынын «Секторду өнүктүрүү: Инклюзивдик өсүү үчүн көндүмдөр» долбоорунун максаттарынын бири билим берүүнүн сапатын жогорулатуу жана компетенттүүлүк мамиленин негизинде билим берүү процессин түзүү эсептелмекчи. Мына ушунун негизинде АӨБнын «Секторду өнүктүрүү: Инклюзивдик өсүү үчүн көндүмдөр» долбоорунун координатору, эксперт Ж.К.Бөкөнбаеванын көзөмөлүндө «Автоматташтырылган системаларды жана эсептөө техникаларын программалык камсыздоо» адистиги пилоттук адистик катары мониторингден өттү.
Ортодогу келишимдин негизинде «Алтын түйүн» Улуттук балдар инженердик-техникалык академиясынын Нарын облусундагы филиалы жана «Ынтымак» балдар бакчасынын методисти Т.О.Жузубалиева жумуш ордунда окутуу талабынын негизинде, студенттерге теория менен практиканы айкалыштырып, мыкты деңгээлдеги мастер класстарды уюштуруп беришти.
