Нарын педагогикалык колледжинде “Мугалим – мөмөлүү дарак” деген темада дебаттык турнир өткөрүлдү.
Иш-чарага колледждин студенттери менен катар В.П.Чкалов жана Э.Ибраев атындагы орто мектептеринин окуучулары да катышып, өз ара ой-жүгүртүүнүн, логиканын жана чечендик чеберчиликти көрсөтүштү. Турнир жогорку деңгээлде уюштурулуп, кызыктуу талаш-тартыштарга бай болду.
Катышуучулар төмөнкү резолюциялар боюнча өз позицияларын коргошту:
Бул палата мугалимдердин эмгеги мамлекеттик кызматкерлерге караганда жогору бааланышы керек деп эсептейт;
Бул палата мугалимдердин коомдогу статусу дарыгер менен юристтин статусуна барабар болуш керек деп эсептейт;
Финалдын резолюциясы: Бул палата пенсиядагы мугалимдер жаш кадрларга ордун бошотушу керек деп эсептебейт.Жыйынтыгында “777” командасы 1-орунду багындырып, дебат клубунун экс-президенти Нуска тарабынан уюштурулган атайын кечки сый тамакка команда мүчөлөрү Альбина Азатбекова жана Аманбек кызы Нурайым чакырылды.
Бул турнир катышуучуларга чоң тажрыйба, мотивация жана жаңы дем тартуулады! 
Жетекчиси Нестан Оморовага терең ыраазычылык билдиребиз!
