2025-жылдын май айында Нарын педагогикалык колледжинин «Top Team» дебаттык клубу тарабынан “Технология, коом жана башкаруу: адамзаттын келечеги” аталышындагы дебат турнири ийгиликтүү уюштурулду.
Иш-чаранын негизги максаты – жаштардын оратордук чеберчилигин, критикалык ой жүгүртүү жөндөмүн өнүктүрүү жана технология менен башкаруунун келечектеги орду тууралуу терең түшүнүк берүү болду.
Турнирге жалпысынан 8 команда катышып, алар курч талкууларда өзүнүн интеллектуалдык деңгээлин жана дебат маданиятын көрсөтө алышты. Финалдык жыйынтыктарга ылайык, мыкты оюн көрсөткөн 1-2- жана 3-орунду камсыздаган командалар грамота жана кызыктуу белектер менен сыйланышты.
Айрыкча, 1-орунду жеңип алган «Убакыт» командасы Дебат клубунун президенти, А-31-группанын студенти Нуска тарабынан акчалай сыйлык менен кошумча сыйланды.
Бул турнир жаштардын өнүгүүсүнө өбөлгө болуу менен бирге, заманбап маселелерди терең түшүнүүгө багытталган маанилүү платформа болду.
