И.Арабаев атындагы Кыргыз мамлекеттик университетинин Гуманитардык-педагогикалык колледжинин 80 жылдык мааракесине арналган «Мектепке чейинки курактагы балдардын эмоцианалдык интеллектин өнүктүрүү: практикалык ыкмалар жана стратегиялар» аттуу симпозиум жогорку деңгээлде өткөрүлдү.
Иш-чарада мектепке чейинки курактагы балдардын өнүгүүсүндө эмоционалдык интеллекттин мааниси, аны ар түрдүү ишмердүүлүк аркылуу өөрчүтүүнүн заманбап ыкмалары жана технологиялары боюнча актуалдуу маселелер талкууланды. Симпозиумго окутуучу Мимоза Абдракунова жана Д-11 группасынын студенти Абдыгазиева Аида катышып, практикалык багыттагы баяндамалар менен чыгышты.
Иш-чара алкагында педагогдор үчүн мастер-класстар уюштурулуп, бөбөктөрдүн чыгармачылык концерти көрүүчүлөргө кубаныч тартуулады. Симпозиумдун соңунда бардык катышуучуларга сертификаттар жана ыраазычылык каттар тапшырылды.
Бул симпозиум аркылуу катышуучулар билим берүү жаатындагы жаңы идеялар жана иш жүзүндө колдонууга ылайык тажрыйбалар менен байышты.
